معتقدات أجدادنا 2024.

طبعا تعرفون في الماضي وحتى في وقتنا الحالي معتقدات أهالينا اللي يؤمنون ابها
في بعضها مرتبط بالحشرات وبالأشياء اللي حولنا ونعتبر ها المعتقدات من الموروثات اللي اتخص الأوليين عندنا
بحط لكم بعضها:
..الطيطار..
إذا انضرب وانقطع ذيله لازم ينحط على الذيل شيء لأنه يدعي على أهل البيت
..بو بشير..
حشرة ضعيفة وطويله ولها يناحات طوال، كانوا يعتقدون إذا شافوه إنه يبشر عن ضيف قادم أو عمل ناجح
..بو النقيع..
حشرة من فصيلة الخنافس، كانوا يمسكونها بإيدهم ويتمنون أمنية إذا نقعت ها الحشره بتتحقق الأمنية وإذا لا ما بتتحقق
..إذا بتاكل السمجة لازم تقطع راسها قبل ما تبتدي فيها ..
.. ويقولون اللي ياكل لسان الذبيحة بيستوي شاعر..
.. الماي مب زين ينشرب حزة الغروب، لأنه يمرّض..
..يوم بتي ترقد لا تحط الماي عند راسك لأنه يخف نظر العين..
.. كانوا يقولون انّ رقاد العصر يقصر العمر..
.. النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه..
.. كانوا يدخنون البيت أو اعمارهم بالشب لأنه يطرد الحسد..
.. كانوا يقولون إذا رفت العين اليمين خير، وإذا رفت العين اليسار شر..
.. إذا كفك اليمين حكك يعني بتعطي حد فلوس، وأذا اليسار بتقبض فلوس(( أظني كل حد بيتمنى يده اليسار تحجه))..
.. إذا خشمك حكك يعني بتسلم على شخص ياي من بعيد..
.. الحرمه المربيه لازم ما تطلع من البيت ولا ينقال إلها خبر هب زين إلين ما تطلع من الأربعين..
.. الياهل لازم يحطون في منزه ( مهده ) سكين وملح وقرآن، عشان يحفظه الله بالقرآن، والسكين والملح عن الجن..
.. الياهل يوم يطلع من الأربعين لازم يسبحونه على ريول أبوه أو أي حد ثاني عشان يطلع على اللي مسبحينه عليه..

ملاحظة على الكلام المكتوب وهو قول الله تعالى بسم الله الرحمن الرحيم