تبي تشتري قطوة ؟!! تعال ^_^ 2024.

همسات فى اذنك.. قبل ان تشترى قط ..

خوانى اخواتى .. محبى القطط

فكرت تبي تشتري قطوووة حلوووو وااايد ..

اكيد قبل تشتري تكون فكرت واخترت ذكر او انثى و اخترت لونها بيضه رمادية بنيه … كل هذ سهل وبسييييط ..

طيب رحت محل القطط او سووق للحيوانات شلون تقدر تميز القطاوة من ناحية الصحة والعمر والسلوك ؟؟

هذي صعبة اشوي صح ؟؟

هي صعبة ولكن بعد ما تقرا هالموضوع اكيد تصير سهلة ^_^ طيب اخليك تقرا وعقبها تقرر تشتري وتختار قطوتك …

اذا كانت هذى اول مرة بتربى فيها قطاوة فاشتريها فى عمر من شهرين لخمسة اشهر .. وابعد عن الكبار وايد او الصغار جدا ..

لنه الكبار بيكونوا خلاص لهم عادتهم وسلوكياتهم الى صعب تغيرها لو كانت عادة سيئة ..

والصغار بيكونوا ضعاف وفي أمس الحاجة للعناية الزائده وبالتالى اكثر استعدادا للمرض ولنك جديد على الموضوع صعب تتعامل مع قطوة مريضة ..

اللحين اخترنا عمرها نجب للتأكد من صحة القطوة ونظافتها ..

شوف عيونها لازم تكون نظيفة و داخل الاذن ما يكون افرازات او حشرات ..

تأكد انها تسمع.. وتأكد انها تمشى بصورة سليمة يعنى ماتعرج.. وكمان حاول بهدوء شد شعرها

بشويش .. اذا كان يطيح ممكن تكون مصابة بالديدان ..

احب الفت نظرك بوجوب النظر اسفل الذيل فاذا كانت خايسة يكون عندها اسهال.. وهالشي يقلل من سعرها.. ومن قيمتها.

ادخل يدك الى داخل فروتها بخفة وكانك تداعبها عسب تلمس جلدها اذا كان فيها حبوب صغيرة او قشور او بثور.

الشعر الطويل اللامع يعنى ان القطة تتمتع بصحة وبنشاط ..

ولاحظ اخى/اختي ان كل ما كان لون القطوة غامق كان سعره ارخص ..

اذا اشتريت القطوة فى عمر الاربع اشهر فهذا معناه انها مطعمه بالعادة يتم تطعيم القطاوة فى سن الثلاث اشهر..

فيجب ان تحصل على الشهاده الدالة على هذا التطعيم او خصم مبلغ التطعيم من قيمة الشراء اذا كان ثمنها زائد ..

اذا اشتريتها بدون تطعيم اول شي تسويه تروح بيطري وتطعمها ..

ملحوظة:

تعرف على انواع القطط واسعارها قبل الشراء.

عود قطتك على طعام المنزل بجانب الاطعمة الخاصة بها.

لا ارحب بفكرة الاستحمام فى البداية وخاصة اذا صغيرة او اذا لم تكن لديك خبرة ..

اتمنى الفائدة من الموضوع للجميع ..