مشكلة + صورة 2024.

هلا اخوي ما شاااء الله كيوت وحبوب واضح من شكله انه ذكر مشاغب ..

مشكلة الشراسه تصير كردة فعل من القط نتيجة معاملته بعنف او من الأطفال اللي يخوفوه او يضربوه بالنهايه هو يدافع عن نفسه القط اذا خاف يهاجم ..

عندي لك بعض الحلوول المجربة والناجحة جدا ..

* حاول شيله بلطف وانت تكلمه بصوت خافت مثل ما تدلع طفل وتكلمه ما يفهم كلامك ولكن يحس بحنيتك .. وبالتالي يطمن لك وتصير بمثابة الأم له ..

* امسح على راسه وظهره بشويش واذا مشطت شعره حاول ما يتعور عشان ما يخاف ويقكرك بتاذيه ..

* ابعده عن الأطفال المزعجين اللي يصارخون او يخوفوه بحركاتهم ..

* عوده عليك خصص له جزء من وقتك تلاعبه بوير صغير او خيط صوف اي لعبه بدون ما تعوره او تخوفه ..

* وانت تلاعبة حط بايدك دراي فود – الأكل المخصص للقطط – وخله ياكل من يدك يحس باهتمامك وكانك تكافئه ..

** اجمالا لا تتعامولون معاه بعنف حتى لو كان قصدكم اللعب معاه ..

توه صغير وتقدر تشكل سلوكه على كييفك خصص له اسم وناديه فيه على طول مو كل اشوي اسم ..

طبعا النصايح بهالمجال كثيرة بس هذي اهمها واسهلها …

مع المتابعه بهالطريقه تدريجيا يبطل شراسه ويصير ودوود جدا ويلصق باللي يشوفه ^_^ ولا تدورون الفكه منه عقب ههههههههههههههه

الله يبارك لك بحلالك ويوم تجيب له انثى ما يخيس ولا شي مو شرط تشتريله وايدين ناس عندهم اناث اذا تعرف حد كل فتره جيب له انثى وخلاص ..

ان شاء الله اكون افدتك وما طولت عليك ..

اي استفسار حاظرين بعون الله ..

تحيتي للجميع ..